Mahram Nahin Hai Tu Hi Nava Ha-e-Raz Ka - Jaun Elia

Mahram Nahin Hai Tu Hi Nava Ha-e-Raz Ka

محرم نہیں ہے تو ہی نوا ہائے راز کا 

یاں ورنہ جو حجاب ہے پردہ ہے ساز کا 

رنگ شکستہ صبح بہار نظارہ ہے 

یہ وقت ہے شگفتن گل ہائے ناز کا 

تو اور سوئے غیر نظر ہائے تیز تیز 

میں اور دکھ تری مژہ ہائے دراز کا 

صرفہ ہے ضبط آہ میں میرا وگرنہ میں 

طعمہ ہوں ایک ہی نفس جاں گداز کا 

ہیں بسکہ جوش بادہ سے شیشے اچھل رہے 

ہر گوشۂ بساط ہے سر شیشہ باز کا 

کاوش کا دل کرے ہے تقاضا کہ ہے ہنوز 

ناخن پہ قرض اس گرہ نیم باز کا 

تاراج کاوش غم ہجراں ہوا اسدؔ 

سینہ کہ تھا دفینہ گہر ہائے راز کا

Visit - Full ghazal with images:

Mahram Nahi hai tu 

Romantic Poetry

#ghazal_mahram_nahin_hai_tu_hi_nava_ha_e_raz_ka_of_mirza_ghalib