Ji Hi Ji Mein Wo Jal Rahi Hogi - Jaun Elia Ghazal

Ji Hi Ji Mein Wo Jal Rahi Hogi 

Ji Hi Ji Mein Wo Jal Rahi Hogi 

جی ہی جی میں وہ جل رہی ہوگی

چاندنی میں ٹہل رہی ہوگی

چاند نے تان لی ہے چادرِ ابر

اب وہ کپڑے بدل رہی ہوگی

سو گئی ہوگی وہ شفق اندام

سبز قندیل جل رہی ہوگی

سرخ اور سبز وادیوںکی طرف

وہ مرے ساتھ چل رہی ہوگی

چڑھتے چڑھتے کسی پہاڑی پر

اب وہ کروٹ بدل رہی ہوگی

پیڑ کی چھال سے رگڑ کھا کر

وہ تنے سے پھسل رہی ہوگی

نیلگوں جھیل ناف تک پہنے

صندلیں جسم مل رہی ہوگی

ہو کے وہ خوابِ عیش سے بیدار

کتنی ہی دیر شل رہی ہوگی

Poetry with pictures visit

Ab Kis Se Mera Hisab Nahi

Ji Hi Ji Mein Wo Jal Rahi Hogi 

#ji_hi_ji_mein_ghazal #jaun_elia_ghazal_ji_hi_ji_mein