Gae Musam Mein Jo Khilte The Gulabon Ki Tarah – Parveen Shakir

Gae Musam Mein Jo Khilte The Gulabon Ki Tarah – Parveen Shakir

Poet: Parveen Shakir

Gae Musam Mein Jo Khilte The Gulabon Ki Tarah

گئے موسم میں جو کھلتے تھے گلابوں کی طرح 

دل پہ اتریں گے وہی خواب عذابوں کی طرح

راکھ کے ڈھیر پہ اب رات بسر کرنی ہے 

جل چکے ہیں مرے خیمے مرے خوابوں کی طرح

ساعت دید کہ عارض ہیں گلابی اب تک 

اولیں لمحوں کے گلنار حجابوں کی طرح

وہ سمندر ہے تو پھر روح کو شاداب کرے 

تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار 

میرے رستے ہوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن 

شیلف میں رکھی ہوئی بند کتابوں کی طرح

کون جانے کہ نئے سال میں تو کس کو پڑھے 

تیرا معیار بدلتا ہے نصابوں کی طرح

شوخ ہو جاتی ہے اب بھی تری آنکھوں کی چمک 

گاہے گاہے ترے دلچسپ جوابوں کی طرح

ہجر کی شب مری تنہائی پہ دستک دے گی 

تیری خوش بو مرے کھوئے ہوئے خوابوں کی طرح 

Ghazal in detail with images visit

Gae Musam Mein

Kuch kahon kuch sunon

#ghazal_gay_moosam_mein #mosam_ghazal_parveen_shakir