Ek Ek Qatra Ka Mujy Dena Para Hisab - Mirza Ghalib

Ek Ek Qatra Ka Mujy Dena Para Hisab

Ek Ek Qatra Ka Mujy Dena Para Hisab 

ایک ایک قطرہ کا مجھے دینا پڑا حساب 

خون جگر ودیعت مژگان یار تھا 

اب میں ہوں اور ماتم یک شہر آرزو 

توڑا جو تو نے آئنہ تمثال دار تھا 

گلیوں میں میری نعش کو کھینچے پھرو کہ میں 

جاں دادۂ ہوائے سر رہ گزار تھا 

موج سراب دشت وفا کا نہ پوچھ حال 

ہر ذرہ مثل جوہر تیغ آب دار تھا 

کم جانتے تھے ہم بھی غم عشق کو پر اب 

دیکھا تو کم ہوے پہ غم روزگار تھا 

کس کا جنون دید تمنا شکار تھا 

آئینہ خانہ وادی جوہر غبار تھا 

کس کا خیال آئنۂ انتظار تھا 

ہر برگ گل کے پردے میں دل بے قرار تھا 

جوں غنچہ و گل آفت فال نظر نہ پوچھ 

پیکاں سے تیرے جلوۂ زخم آشکار تھا 

دیکھی وفاۓ فرصت رنج و نشاط دہر 

خمیازہ یک درازی عمر خمار تھا 

صبح قیامت ایک دم گرگ تھی اسدؔ 

جس دشت میں وہ شوخ دو عالم شکار تھا 

Full ghazal with images 

Ek Ek Qatra Ka Mujy Dena

Na tha kuch to khuda tha

#poetry_of_mirza_ghalib #ghazal_ek_ek_qatra_ka_mujy_dena_para_hisab