Dehir Mein Naksh-e-Wafa - Mirza Ghalib

Dehir Mein Naksh-e-Wafa

دہر میں نقش وفا وجہ تسلی نہ ہوا 

ہے یہ وہ لفظ کہ شرمندۂ معنی نہ ہوا 

سبزۂ خط سے ترا کاکل سرکش نہ دبا 

یہ زمرد بھی حریف دم افعی نہ ہوا 

میں نے چاہا تھا کہ اندوہ وفا سے چھوٹوں 

وہ ستم گر مرے مرنے پہ بھی راضی نہ ہوا 

دل گزر گاہ خیال مے و ساغر ہی سہی 

گر نفس جادۂ سر منزل تقوی نہ ہوا 

ہوں ترے وعدہ نہ کرنے میں بھی راضی کہ کبھی 

گوش منت کش گلبانگ تسلی نہ ہوا 

کس سے محرومیٔ قسمت کی شکایت کیجے 

ہم نے چاہا تھا کہ مر جائیں سو وہ بھی نہ ہوا 

مر گیا صدمۂ یک جنبش لب سے غالبؔ 

ناتوانی سے حریف دم عیسی نہ ہوا 

نہ ہوئی ہم سے رقم حیرت خط رخ یار 

صفحۂ آئنہ جولاں گہ طوطی نہ ہوا 

وسعت رحمت حق دیکھ کہ بخشا جاوے 

مجھ سا کافر کہ جو ممنون معاصی نہ ہوا 

Visit: full ghazal with pictures - 

Dehir Mein Naksh e Wafa

2 Line Love Poetry

#dehir_mein_naksh_e_wafa_waja_e_tasali_na_hoa_jaun_elia_ghazal